ការបបោសអង្អែលមុនពេលរួមភេទគឺជារឿងសំខាន់ដើម្បីឱ្យស្ត្រីឈានដល់ចំណុចកំពូលបាន

មែនហើយ ក្នុងនាមជាមនុស្សប្រុសអ្នកប្រហែលជាត្រៀមខ្លួនរួចជាស្រេចតាំងពីដើមទីមកម្លេះដើម្បីទទួលបានភាពសប្បាយរីករាយពីនាងឬមើលឃើញនាងដោះអាទ្រនាប់ចេញទៅតាមចំណង់ចំណូលចិត្តរបស់អ្នក ។ ប៉ុន្តែនាងប្រហែលជាត្រូវការការភ្ញោចខាងផ្លូវកាយនិងផ្លូវចិត្តឱ្យបានច្រើនបន្តិចហើយដើម្បីអាចឱ្យមានភាពស្រើបស្រាល , ចេញទឹករំអិល និងសាកសមសម្រាប់ឈានដល់ចំណុចកំពូលកើត ។ នោះហើយទើបជាមូលហេតុដែលថាការបបោសអង្អែលមុនពេលរួមភេទគឺជារឿង សំខាន់ខ្លាំង។

តាមពិត ការបបោសអង្អែលមុនពេលរួមភេទអាចចាប់ផ្តើមរយៈពេលច្រើនម៉ោងមុនពេល រួមភេទទៅទៀត ហើយជារៀងរាល់នាទីនៃការធ្វើបែបនេះ វានឹងជួយឱ្យនាងមានការត្រៀមខ្លួនដើម្បីឈានដល់ចំណុចកំពូលនៃការរួមភេទតែម្តង ។ ខាងក្រោមនេះគឺជាវិធីសាស្ត្រមួយចំនួនសម្រាប់ឱ្យអ្នកទាំងពីរមានអារម្មណ៍៖

ប្រើប្រាស់ការគិតរបស់អ្នក៖ចូរចាំថាចំពោះមនុស្សស្រី ការភ្ញោចខាងផ្លូវអារម្មណ៍គឺជារឿងសំខាន់ ។ លិខិតសេ្នហាដ៏សិចស៊ីមួយច្បាប់ និងការកំប្លែងយ៉ាងសប្បាយៗផ្សេងៗទៀតសុទ្ធតែអាចធ្វើឱ្យនាងគិតអំពីការកើតចេញនូវទំនាក់ទំនងស្នេហាដ៏សម្ងាត់របស់អ្នកបាន ។ ភ្លើងទៀន, បាច់ផ្កាស្រស់ៗ និងចម្រៀងដ៏លន្លង់លន្លោចក៏អាចបង្កើតជាបរិយាកាសស្នេហាបានដែរ ។
ការស្ទាប៖ ការស្ទាបអង្អែលអាចបង្កើតជាសម្ពាធខាងផ្លូវភេទបានទោះបីជាមិនទាន់ចាប់ផ្តើមរួមភេទក៏ដោយ ។ ចូរឱបនាង, កាន់ដៃនាង, ឬស្ទាបភ្លៅនាងទៅ ។ ការឈានដល់ចំណុចកំពូលរបស់មនុស្សស្រីទំនងជាកើតឡើងបានបើសិនជាអ្នកកំពុងតែថើបមនុស្សស្រី,ឬយកដៃទៅស្ទាបអង្អែលកន្លែងដែលមានសម្រើបខ្លាំងនៃរាងកាយរបស់នាង ។
ការថើប៖ រឿងនេះគឺជាការបបោសអង្អែលដ៏ល្អ និងសំខាន់ ព្រោះការស្រាវជ្រាវបានរកឃើញថាការថើបនៅកន្លែងណាដែលថ្មីធ្វើឱ្យនាងសប្បាយចិត្ត និងរីករាយបាន ។ ចូរព្យាយាមថើបកញ្ចឹងក ឬស្មារបស់នាងដើម្បីជាកិច្ចចាប់ផ្តើម ។

កុំនៅស្ងៀមមិននិយាយស្តី៖ មិនត្រូវភ្លេចប្រាប់នាងនូវរឿងដែលត្រូវធ្វើក្នុងពេលបបោសអង្អែលមុនពេលរួមភេទឡើយ ។ មនុស្សស្រីមាននិន្នាការចង់និយាយឱ្យបានច្រើននិងស្តាប់ពីយោបល់របស់អ្នកថាតើនាងកំពុងតែធ្វើឱ្យអ្នកមានអារម្មណ៍ល្អបែបណា ឬសប្បាយចិត្តប៉ុណ្ណា៕